Geschichten & Erinnerungen

Min lieba Prinz Sunny

Im Summer 2006 bisch du mit dina 3 Fründa Jerry,Giulio und Gipsy zu mier ko wel eures Fraueli gstorba isch. 1 Johr hender a neus Dahei gsuecht und eura Bsitzer hät eu nid wella trenna. Eigentli hani nur 2 Katza wella aber aswia hani mi verpflichtet gfühlt zum eu neh. Wo i eu go aluega bin, hani schu gmerkt dass es mit eu nid eifach wird ;-) Mim Jerry hätts nia so recht klappt aber er hät sich au in mis Mammi verliebt wo si am Mittag ko isch go Fuetter geh. Sie hät na denn zu sich gno und es isch alles guat worda, er hätt sogar ussa dörfa. Leider hätt Sie ihn müessa am 11.05.11 ischlöfa weil er Herz und Nieraproblem ka hätt. Er isch dr jüngscht gsi mit 11 vu dem Quartett. Sunny 12, Giulio 15, Gipsy 16. Afangs April hani gmerkt dass mit dier Sunny öppis nüm gstumma hätt. Din Buch isch immer dicker und härter worda und Diagnosa vur Tierärztin hät au nid guet dönt. Zum sicher go hend mier dier no Bluet gno und dÄrztin hätt dier no 3 Schälali vu dera Flüssigkeit ablo wo sich in dinem Buch agsammlet hätt. Wo mr Hai sind hesch di suber gmacht, bisch ganz nas gsi. Du bisch so tapfer gsi obwohl du dr schüchscht gsi bisch. 2 Tag spöter isch dr Bricht denn ko. Leberatumor! I han di no wella palta solang du no Lebensqualität ka hesch und mier hend au alles versuacht. Leider isches nur kurz besser worda und zu allem hera hesch no a schtarki Verkältig kriegt wo aber au tapfer gmeischteret hesch. I han di jeda Obig zu mier gno und dier nomol alli Liebi geh wo i dier no han könna geh. Wo denn pilla nümma gno hesch isch dr dsWasser au in bei und dslaufa isch dr immer schwerer gfalla. Bis am 29.05.11 hesch mr zeigt dass es troz da Umständ no goht und du di dsfrida gfühlt hesch. Aber am Sunntig hani denn au gmerkt dassi di jetz golo sötti. Am 2.6.11 hani dia schwer Entscheidig troffa und di müessa schwerem Herza goloh. Du hesch dahei uf dinem Plätzli dörfa ischlöfla. Für mi isch es dserschta mol gsi, dass i so a Entscheid han müessa treffa und i han immer Angscht ka dass i di dsfrüah ussem leba nimma oder dspoht so dass no lida müesstisch und das hani nid wella. I han dia letschta 2 Monat mit dier glitta. In gedanka bini immer bi dier gsi in dr Hoffnig i macha dsrichtiga. Giulio, Gipsy und I vermissend die mega fescht. Du bisch so a edla wissa Prinz gsi. So verschmüselet wenn am Tisch gschmeichlet hesch, hesch dier da Kopf so Fescht an dr Tischkanta gschtossa es hätt mr jedesmol weh tua wenns TOCK gmacht hätt und dr Giulio hesch amigs fascht abem Bett gworfa;-) Du hesch immer gluegt was ma macht und wia immer mit einem gredet hesch isch au so luschtig gsi.

Dr Schmerz isch no so gross und din Platz isch so leer. In minem Herz bisch immer dabi woimmer du au si magsch. I hoffa es isch a schöna Ort und du bisch jetz mim Jerry, Joy,Schöschali und all da andera Tierli zemma.

Dia Gschicht isch a biz lang worda, aber mier hätt das guet tua dia Emotiona do loswerda.I möcht allna danka wo dia Gschicht glesa hend und wo selber au ihri Gschicht do innagschriba hend. Mier hät das viel Kraft geh, gseh dassi nid allei mit dera Situation bin.

Rest in Peace
I lon jeda Obig a kerza für di brenna

Im Tal des Regenbogens

Kleines Seelchen in der Nacht,
hast mir so viel Glück gebracht,
mußtest gehen, bist nun fort,
weit an einem schönen Ort.
Regenbogen, Wasserfall,
grüne Wiesen überall,
spielen, toben, frohes Treiben
hier willst Du ganz sicher bleiben.
Kleines Seelchen warte dort,
wart auf mich an diesem Ort,
eines Tages, Du wirst sehen,
werden wir uns wieder sehen.

Einmal wenn wir uns wieder sehen,
werden wir gemeinsam gehen,
in die Ewigkeit, ins Morgen,
hier gibt es nie wieder Sorgen.
Mensch, sei gut zu Deinem Tier,
denn gemeinsam wollen wir,
doch die Ewigkeit verbringen.

Kleines Seelchen in der Nacht,
hast mir oftmals Freude gemacht,
Dank, sag ich an dieser Stelle,
geh nun über diese Schwelle.
Geh nach Haus zu all den Lieben,
sieh sie warten auf Dich drüben,
mach Dir keine Sorg`um mich
Seelchen, ich vergess` Dich nicht!

Du warst ein super lieber Familienhund. Danke !

Unverhofft bist du und Herkules 2002 in mein Leben gekommen. Eine tolle Zeit hast du uns beschert und zu einem treuen Familienmitglied bist du geworden.
Liebenswert und geduldig warst du mit unserer Tochter und stets zum kuscheln aufgelegt.Dein Lieblingsplatz, auf unserem Bett bei meinen Füssen. Du fehlst und wir haben dich ungern gehen lassen, doch in unseren Herzen hast du für immer deinen Platz.
In Liebe deine Familie

Vor 12 Jahr händ mir dich mit Hilf vo dä Füürwehr vom e Baum abe gholt. Die ganz Nacht häsch det obe bi Frost-Temperature usghart. Vo däm Tag a sind mir gueti Fründe gsi. Nachdem dini Bsitzer ohni dich wegzügled sind, händ mir dich adoptiert. Du häsch aber um kein Priis welle i d’Wohnig cho. Du bisch es Büsi gsi wo Natur und Freiheit gnosse hät. Nach enere schlimme Verletzig am Hals, wo hät müesse gnäht werde, händ mir dir es Chatzetörli i d’Garagetür montiert. Det inne isch en alte Sessel gstande, en gmüetliche Platz für dich zum Pfuse. So häsch en Ort gha zum in Sicherheit si und dich zrugg zieh. Und im Winter häsch so au än warme, gschützte Platz gha.

Du bisch es ganz speziells Büsi gsi mit Ecke, Kante und Chralle. Wenn du guet druf gsi bisch hät mer dich dörfe streichle. Aber wehe wenn du en schlechte Tag gha häsch dänn häsch eim eis mit dim Pfötli tätscht. Am
21. November 2008 händ mir dich schwer hinkend dusse entdeckt. D’Achillessehne isch grisse gsi. Lang händ mir überleit, ob mir dir würkli en gfalle mached wenn mich dich operiere lönd. Die höche Choschte händ eus nöd abgschreckt aber dä Gedanke, dich in Tierspital zghä, wo du dänn imene chline Chefig igsperrt worde wärsch, und au de drümonatig Husarrest bi eus dehei, hät eus grossi Sorge gmacht. Aber schlussendlich händ mir beschlosse dir die Chance zgäh. D’Operation isch guet verlaufe und Rehabilitations-Zyt im Gäschtezimmer isch am Afang nöd eifach gsi, du häsch immer probiert us däm Zimmer zflüchte sobald mer Tür ufgmacht hät und häsch eim au attackiert. Aber vo Tag zu Tag isch es besser gange und du häsch dich a d’Wohnig gwöhnt.

Afangs März hät dä Tierarzt gmeint, dass du wieder usse dörf. Aber was niemer glaubt het, dich hät die grossi wyti Welt nümme so interessiert. Du bisch zwar no churz mit eusem Hund Buga uf dä letschti Hundespaziergang mitcho, aber dänn häsch wieder welle Hei is Gäschtezimmer. Im Winter 2010 hät de Andi, dä gröschti Verehrer vo dir gseit, dass du chöntisch während euse Skiferie bi ihm und dä Nadia wohne. Mir sind eus nöd sicher gsi ob das guet chunt. Aber wie händ mir gstuned, wie du chum us em Chörbli, interessiert i dä Wohnig umegspaziert bisch ohni zmotze, zmiaue oder zfauche. Ä Sensation! Ja und du häsch dich bi dene beide so wohl und geborge gfühlt, dass nach de Skiferie gar nüme häsch welle zrugg cho. Du bisch ihri verwöhnti Prinzessin gsi. Sie händ extra es Chatzetörli i d’Balkontür montiert, damit du inne und usse häsch chöne. Und du häsch es au gnosse uf em Balkon z’sünnele und dich vor Wöhli z’ruggele. Dänn händs dir au no en tolle Chatzebaum bsorged und jede Tag mit dir gspielt und dich mit Pouletbrüschtli verwöhnt. Du häsch det s’Paradies uf Erde gha und bisch en ahängliche Schmusetiger worde, wo sich gern uf dä Bei vom Andi oder Nadia bequem gmacht hät. Am 17. Mai 2011 isch es dir plötzlich sehr schlecht gange. Weder dä Tierarzt no s’ Tierspital händ dir chönne helfe. Wo’s dir dänn no elender gange isch und Situation ussichtslos worde isch, hät mer dich erlöst. Leb wohl liebe Büsel.

Vom letzten Nov. bis Mai 2011, haben wir unsere zwei lieben und ältesten Samtpfoten und auch noch unseren lieben Hund verloren. Da die Tiere ehemals aus sehr schwierigen und traurigen Lebensumständen zu uns kamen, bleiben sie "anonym".Wir vermissen sie sehr und wir durften viel von ihnen lernen. Das Leben hat uns seine bittersten Grenzen aufgezeigt und uns einmal mehr vor Augen geführt, dass der Tod nie mit sich handeln lässt... Ein grosses und herzliches Dankeschön an das ganze Team von Seon; im Besonderen an Frau Walti und Frau Rimann sowie an Frau Mettauer für die einfühlsame Betreuung und Begleitung, sowie dass sie es uns ermöglicht haben, unsere lieben Tiere bei der Kremation zu begleiten. Ein spezieller Dank geht auch an Herrn Meyer und an Frau Nyffenegger; sie haben die Kremationen vorgenommen.Danke auch an das Team von der Kleintierklinik in Hünenberg, die unsere Tiere schon lange professionell betreuen und sie in Würde erlösen.
Wir sind unendlich traurig und hoffen, dass dieser unendliche Schmerz irgendwann den schönen Erinnerungen an sie Platz macht.Wenn wir Ja sagen zum Leben und das Leben sagt zu uns Nein, dann müssen wir lernen, zu diesem Nein Ja zu sagen.Wir wünschen allen Tierhaltern, die Ihren Liebling verloren haben, viel Kraft für den Weg durch die Trauer.
Mit liebem Gruss, Familie Camenzind mit allen lieben Pelz-Pantöffelchen

Wir vermissen dich sehr. Du bist gestorben wie du gelebt hast, unser kleiner Held.
Barbara und Beat mit Camira und Ike

Lieber Oxan,mein " Mäusebärchen", hoffe Du hattest eine gute Reise über die Regenbogenbrücke.

Ich vermisse Dich sehr,Du fehlst mir. Du warst ein lebensfrohes,quirliges Mäuschen bis ein Tumor alles zerstört hat.

Ozzy und Du...ihr beide wart ein DreamTeam und immer bereit für irgendeinen Unfug.

Jetzt hast Du keine Schmerzen mehr und kannst in Frieden ruhen.

Machs gut,mein "Mäusebärchen"..........
ich werde Dich NIE vergessen.

Grüsse auch von OZZY.

du bisch di bescht weg begleitig gsi für eus alli mir vermisset dich u fescht. mir hend dich immer i eusem herze!

24.Mai 2011

Ach Lars, es isch so truurig:
Din Blick, so müed, so matt –
Ich weiss, du liidisch schuurig,
Wil s’Laufe nümme goht.

Am Plätzli ob dr Schtäge,
Wo’s sunscht doch „Adda“ goht,
Bisch schtill und hilflos gläge,
Häsch g‘schpüürt, as ‘s nümme wott …

Chlopf-chlopf, chlopf-chlopf! macht s’Schwanzi –
Soo, häsch üüs Adie g’sait –
Chlopf – Chlopf …….. bin eure Lars g’sii –
S‘isch Zyt für d’Ebigkeit!

Im Schlof bisch liisli g’gange –
Es isch so schüüli schwär!
Dis Bändeli bliibt hange –
Dis Plätzli – das bliibt läär !

Dini Meischterslüüt

Lieber Lars
Nun bist du von deinen Leiden erlöst. In unserem Haus ist es leer geworden.
Wir werden dich immer in lieber Erinnerung behalten. Deine Treue, deine Liebe und den Schalk in Deinen wunderschönen Augen werden bleiben unvergessen